Narito ang ilan sa mahahalagang impormasyon na makakatulong sa mga alcoholics upang malaman ang mga epektong dulot ng ng alcohol at mga katulad nito. Para sa ibang tao, ang alak ay hindi nakapagdudulot ng masamang epekto kung hindi lalabis ang ininom. Ngunit ang alak ay masama, kaunti man o inaabuso. Ang mga kemikal na nakapaloob dito ay masasabing walang mabuting benepisyo. Kahit na kaunti lamang ang kinokonsumo, ang alak ay nagbubunga ng hindi mabilang na negatibong epekto kahit na kanino.
Sa kalusugan, ang alak ay nagiging sanhi ng napakaraming sakit. Kahit na kaunti lamang ang naiinom, sa katagalan, ang mga pagkakataong ito ay magbubunga ng karamdaman na magiging sanhi ng unti-unting panghihina. Lalo pa kung ito’y inaabuso at walang pakundangan kung uminom. Ang mga taong hindi nakapagpipigil sa kanilang mga pag-inom ay tiyak na makararanas ng katakut-takot na sakit sa hinaharap.
Sa relasyon, ang paglalasing o ang pag-abuso sa alak ay nakasisira ng mga samahan ng pamilya at mag-asawa. Ito’y nagdudulot ng kapabayaan sa mga relasyong dapat ay inaalagaan. Ang mga panahon na dapat na ginugugol sa pamilya ay nasasayang lamang sa paglalasing. Ang mga taong laging nakainom ay wala nang panahon sa kanilang sarili at pamilya at nagkakaroon ng kakulangan ng komunikasyon lalo na sa asawa at anak. Sa kalaunan, ang mga paglalasing na ito ay magiging dahilan ng madalas na pag-aaway at hindi pagkakintindihan. Maitatanim sa mga anak ang mga negatibong ginagawa at magiging rason upang lumayo sa mga alcoholic ang kanilang kalooban.
Sa trabaho, ang taong umaabuso sa alak ay nagiging pabaya sa kanilang mga ginagawa at trabaho. Nauubos nila ang kanilang oras sa walang kapakinabangang bagy at hindi naaayos ang kanilang trabaho lalo na kung sila ay namamasukan. Kung uminom ng labis ang isang tao, tiyak na mahihirapan ang isang tao na makabangon sa umaga na magiging dahilan ng madalas na pagliban sa trabaho.
Sa sarili, ang mga taong palagiang naglalasing ay mahina, mainitin ang ulo at irritable. Ito ay sa dahilang ang kanilang pansin ay tanging nakapokus lamang sa kanilang pag-inom at mga kasama sa paglalasing. Kung lagi na lamang ganito ang sitasyon, ang taong ito ay magiging mailap sa mga tao sa kanyang kapaligiran. Mawawalan siya ng confidence sa kanyang pagkatao at malululong lamang sa isang bagay: sa alcohol.
Sa kalaunan, ang masasamang epekto ng alcohol, kahit na sabihin pang maliliit na bagay ay magiging malala at magiging dahilan ng mga malalaking problema sa hinaharap na panahon. Magiging mahirap na rin ang pagtigil sapagkat ang addiction na nasa sistema ay masyado nang malakas. Mahihirapan ang isang tao na tumigil sa kanyang bisyo at mahirap na rin ang pagbabago sa buhay kung matagal na panahon ang nagamit sa pagkakalulong sa alak.
Kinakailangan ang matibay at bukas na isip upang tumigil at makaalis sa kondisyon bilang alcoholic.
No comments:
Post a Comment